వైకుంఠం ఎంత దూరంలో వుంది?

ఒక గురుకులంలో గురువు శిష్యులకు గజేంద్రమోక్షం కథ గురించి చెబుతున్నాడు. ''మొసలిబారినపడిన గజేంద్రుడు గొంతెత్తి విష్ణుమూర్తిని పిలిచాడు తనను రక్షించమని. సతీమణి లక్ష్మీదేవికి చెప్పకుండా, శంఖచక్రాలు ధరించకుండా, తన వాహనమైన గరుత్మంతుడిని అధిరోహించకుండానే విష్ణుమూర్తి వెంటనే బయలుదేరాడు'' అంటూ గురువు కథ చెప్పడం పూర్తిచెయ్యకుండానే ఒక శిష్యుడు సందేహం వెలిబుచ్చాడు. ''అయ్యా! గజేంద్రుడు అరిచిన తక్షణమే విష్ణుమూర్తి బయలుదేరాడు, అంటే వైకుంఠం ఎంత దూరంలో ఉంది?'' ఈ ప్రశ్నకు గురువు తెల్లముఖం వేశాడు. అదే ప్రశ్న ఇతర శిష్యులకు సంధించాడు- తన అజ్ఞానం బయటపడకుండా. శిష్యులెవరూ సమాధానం చెప్పలేదు.
ప్రశ్న వేసినవాడే ''అయ్యా, గజేంద్రుడు గొంతెత్తి పిలిస్తే ఆ పిలుపు ఎంతదూరం వినబడుతుందో అంతే దూరంలో వైకుంఠం ఉంది'' అన్నాడు.
గురువుకు జ్ఞానోదయమైంది. శిష్యుడు తెలిసీ తెలియకుండా చెప్పిన జవాబులోని పరమపదం గురించిన పరమార్థం అవగతమైంది. వెంటనే శిష్యులకు చెప్పాడు- ''భగవంతుడు సర్వాంతర్యామి, భక్తుడు ఆర్తితో భక్తితో పిలిస్తే వెంటనే పలుకుతాడు'' అన్నాడు. పరమపదసోపానం అధిరోహణలో భగవంతుడు, భక్తుడి వెంటే ఉండి చెయ్యి పట్టుకొని నడిపిస్తాడు. ఆ చేయి వదలకుండా భగవంతుడి వెంట నడవటమే భక్తుడి విధి.

మీ కలల్ని నిజం చేసుకోండి!

మనలో చాలమంది అనుకుంటూ వుంటాం...''అలా వుంటే బాగుండేది...అప్పుడలా వుండి వుంటే...ఇలా జరిగేది...అది చేసేవాళ్ళం...ఇది చేసివుండివాళ్ళం....అలా ఇలా...అంటూ...''

గతాన్ని మర్చిపోండి, మీ వయసును మర్చిపోండి...ఇంకా మిగిలివున్న మీ జీవితంలో ఇదే మొదటిరోజు అనుకోండి....మీ కలలను నిజం చేసుకోవటానికి ఇదే సరైన సమయం...ఈరోజే...ఇప్పుడే ప్రారంభించండి....

1. మీరు మీలానే వుండండి : మీ కలలను నిజం చేసుకోవాలంటే...ముందు మీ అంతరాత్మకు మీరు నిజాయితీగా వుండండి. మీరు చేసేది సరైనదే అని మీకు చాలా బలమైన నమ్మకం వున్నప్పుడు ఇతరుల మాటలను, విమర్శలను పట్టించుకోకండి. మీ వైఫల్యాలనుంచి మరింత నేర్చుకోండి... పైకెదగండి.. ముఖ్యంగా మానసికంగా...మానసికమైన స్థైర్యం, లక్ష్యాన్ని చేరగలననే నమ్మకం ఎప్పుడూ కోల్పోవద్దు.

2. సమయాన్ని కేటాయించండి : రోజులో కొంత సమయాన్ని తప్పనిసరిగా మీ లక్ష్యాన్ని చేరటానికి కేటాయించండి. నిజంగా మీకేం కావాలో, ఏం సాధించాలనుకుంటున్నారో నిరంతరం పరిశీలించుకుంటూ వుండండి. ప్రతిరోజూ హాయిగా నవ్వుకోవటానికి, ఇతరులను ప్రేమించటానికి, (మీ విమర్శకులను) క్షమించటానికి, కష్టాలలో వున్నవారిని ఓదార్చటానికి కొంత సమయం కేటాయించండి. అందరి కష్టాలను మీరు తీర్చలేకపోవచ్చు...కానీ ఒక్క ఓదార్పుమాట, ధైర్యాన్నిచ్చే చేతిస్పర్శ...బాధపడేవారికి చాలా స్వాంతననిస్తుంది...ధైర్యాన్నిస్తుంది.

3. మీరే మార్గనిర్దేశకులు : మీ యీ ప్రయాణంలో మీకు మీరే మార్గనిర్దేశకులు. చాలామంది సామర్థ్యం వున్నా తమ లక్ష్యాలను, గమ్యాలను చేరలేకపోవటానికి ఒక కారణం...అనవసర భయాలు...ఇతరులకు తమపై వున్న అభిప్రాయాలకు ఎక్కువగా ప్రాముఖ్యత ఇవ్వటం...గమ్యానికి చేరుకోవటానికి ఇవన్నీ పెద్ద ఆటంకాలే. మీరేమిటో...మీ లక్ష్యాన్ని చేరటంద్వారా నిరూపించుకోండి...మీ నమ్మకాన్ని మరింత దృఢతరం చేసుకోండి. అవసరమైతే పోరాడండి మీ ఏకాగ్రత అంతా మిమ్మల్ని ముందుకు నడిపించే విషయాలపైనే వుండాలి. చివరకు మిమ్మల్ని విమర్శించినవాళ్ళే మీ విజయాన్ని ఒప్పుకోకతప్పదు. మీ జీవితపు పగ్గాలను ఇతరులకు అప్పగించకండి...మీరు విజయం సాధించాలన్నా, పరాజయం పొందాలన్నా మీ చేతుల్లోనే వుంది.

4. చాలా విలువైంది...వృధా చేయకండి : సమయం చాలా విలువైందని మీకందరికీ బాగా తెలుసు...నేను ఇప్పటికీ కొంతమందిని చూస్తుంటాను...అనవసరమైన వాగ్వివాదాలతో, మాటలతో, విమర్శలతో... సమయం చాలా వృధా చేస్తూండటం... మీకు నిజంగా ఖాళీ సమయం దొరికితే.... మంచి పుస్తకాలు చదవండి...అవి మీ జ్ఞానాన్ని పెంచుతాయి. వీలైతే ఇతరులకు సాయం చేయండి. ఏదో ఒక కొత్త విషయాన్ని నేర్చుకోవటానికి/తెలుసుకోవటానికి ప్రయత్నించండి.

5. మీ ఆలోచనలు మార్చుకోండి : ఆలోచనలు చాలా శక్తివంతమైనవి. దేన్నైనా సృష్టించగలవు...నాశనం చెయ్యగలవు కూడా. వ్యతిరేకధోరణి సాధ్యమైనంతవరకు తగ్గించుకోండి. సానుకూల దృక్పథాన్ని అలవాటు చేసుకోండి. మీ చుట్టూ చాలా అవకాశాలున్నాయి...పరిశీలించండి.. మీకు తగినవాటిని అందిపుచ్చుకోండి. అవకాశాలు మళ్లీ మళ్లీ రావు..

6. మీరు సాధించగలరు : మీ లక్ష్యం చాలా పెద్దదైనప్పుడు...మీ ప్లాన్లు సాధించటానికి కష్టతరంగా వున్నప్పుడు...ఒక్క అడుగు ముందుకేయండి మీ గమ్యం దిశగా...''వెయ్యిమైళ్ళ ప్రయాణం కూడా ఒక్క అడుగుతోనే ప్రారంభమవుతుంద''నే విషయం మర్చిపోకండి... ప్రారంభించకుండా మాత్రం లక్ష్యం గురించి కలలు కనొద్దు.

7. ప్రతికూల వాతావరణాన్ని మార్చటానికి ప్రయత్నించండి : మీమీద మీకు నమ్మకం వున్నప్పుడే ఏదైనా సాధించగలరు...మీ చుట్టూ వున్న ప్రతికూలవాతావరణంలో మీ లక్ష్యసాధనకు వుపయోగపడే అనుకూల అంశమేదైనా వుందేమో పరిశీలించి చూడండి. తప్పకుండా కనీసం ఒక్కటైనా కనబడుతుంది. దాన్ని వెతికి పట్టుకుని మీ గమ్యం చేరటానికి ఇంధనంలా వుపయోగించుకోండి.

8. ఆనందకరమైన క్షణాల్ని వదులుకోవద్దు : లక్ష్యసాధనలో ఎంత బిజీగా వున్నా...మిమ్మల్ని సంతోషపరచే నేస్తాన్ని, సంగీతాన్ని, సాహిత్యాన్ని, పుస్తకాలను...నిరంతరం మీ శ్రేయస్సు కోరేవాళ్ళని...మీరు మర్చిపోవద్దు...దూరం కావద్దు...ఎంతగా పనిచేస్తారో....అంతగా రిలాక్స్‌ అవడం కూడా నేర్చుకోవాలి.

9. నిజాయితీగా ప్రేమించండి : మీరు నిజంగా ఎవర్నైతే యిష్టపడుతున్నారో...వారితో నిజంగా ప్రేమగా వుండండి...ప్రేమగా మాట్లాడండి...ఎవరి సాంగత్యంలో మీరు హాయిగా, సంతోషంగా వుండగలరో.... వారితో ఎక్కువ సమయం గడపండి...మీ ఆనందం రెట్టింపవుతుంది... వ్యక్తిగతంగా కలవకపోయినా...ఉత్తరాలద్వారానో, ఫోన్లద్వారానో, ఈ-మెయిల్స్‌ ద్వారానో మీ ప్రేమను వ్యక్తం చేయండి..

10. ఆఖరుది...కానీ చాలా ముఖ్యమైనది : మిమ్మల్ని విమర్శించేవారి గురించిగాని... మీరంటే ఇష్టంలేనివారి గురించి ఆలోచించి బాధపడకండి.. వేదన పడకండి... మీరంటే ఇష్టంలేనివాళ్ళు కొంతమంది వున్నా.... ఇష్టపడేవాళ్ళు చాలామంది వుంటారు... మీకోసం...మీ ప్రేమకోసం ఎదురుచూసేవాళ్ళు చాలామంది వుండేవుంటారు... వారి దగ్గరికెళ్ళండి... మీ ప్రేమను పంచండి... అవసరమైతే సాయం చేయండి...అప్పుడు చూడండి... మీరెంత సంతోషాన్ని పొందుతారో... నిజమైన సంతోషం ఎక్కడ వుందో తెలుసుకోవటానికి ప్రయత్నించండి..

లాస్ట్‌ బట్‌ నాట్‌ ది లీస్ట్‌....విమర్శలనుంచే పైకెదగటానికి ప్రయత్నించండి...ఆటంకాలు ఎదురైనప్పుడల్లా మరొక్క అడుగు ముందుకు వేయటానికి ప్రయత్నించండి.

ఈ చిన్న కథ మీతో పంచుకోవాలని వుంది :
కాలేజి చదువుకూడా పూర్తికాకుండానే చదువు మానేసిన 38 ఏళ్ళ ఒక లైబ్రేరియన్‌ రాసిన లేఖ :
''నాకు చిన్నప్పటినుంచీ మా తాతగారిలా సైకాలజిస్ట్‌ కావాలని జీవితకాలపు కోరిక. నా ప్రస్తుత వుద్యోగం నాకు బాగానే వున్నా...మనసులో వున్న యీ తీవ్రమైన కోరికవల్లనో...దేనివల్లనో గానీ మెల్లగా నన్ను సలహాలడిగే వారి మానసిక సమస్యలకు నేను సలహాలనిస్తూ వారి సమస్యా పరిష్కారాలకు మార్గదర్శినయ్యాను...చాలామంది ఇప్పటికీ నన్నొక మానసికవైద్యునిగా భావిస్తూ కౌన్సిలింగ్‌కు వస్తూంటారు.
కానీ నేను మళ్ళీ కాలేజీకి వెళ్ళి, డిగ్రీ పూర్తిచేసి, సైకాలజీలో డాక్టరేట్‌ చేసి, ప్రాక్టీస్‌ ప్రారంభించాలంటే...కనీసం 8 ఏళ్ళు అవుతుంది. అప్పటికి నా వయసు 46 ఏళ్ళు అవుతుంది...ఏం చెయ్యాలో తెలియటం లేదు...'' అంటూ...

కొన్ని ప్రశ్నలలోనే జవాబు వుంటుంది.
అతను పొందిన జవాబు :

''మీరిది (సైకాలజీ డాక్టరేట్‌) చెయ్యకపోతే...ఈరోజు నుంచి 8 ఏళ్ళ తరువాత మీ వయసు ఎంత?''

ఉదాత్త భావనలు

నువ్వు మాట్లాడినప్పుడు నిజం మాట్లాడు. నువ్వు ఏది వాగ్ధానం చేశావో దాన్ని నెరవేర్చు. నీమీద పెట్టుకున్న నమ్మకాన్ని నిలబెట్టు. నీ చేతుల్ని హింసకు దూరంగా ఉంచు. అన్యాయమైన దాన్నీ, అక్రమమైనదాన్నీ అందుకోకుండా చాచిన చేతుల్ని వెనక్కి తీసుకో.

'ఏ పనులు గొప్ప పనులు?

ఒక మనిషి హృదయాన్ని సంతోషపెట్టడం, ఆకలిగొన్నవాడికి అన్నం పెట్టడం, దెబ్బతిన్నవాళ్ళకి సాయం చేయడం, దుఃఖార్తుల దుఃఖాన్ని తేలికపరచడం, గాయపడ్డవారి గాయాలకు మందు పూయడం'.

'భగవత్‌సృష్టి మొత్తం భగవంతుని కుటుంబమే. ఎవరు భగవంతుడు సృష్టించిన వాటికి హితం కోరుతారో, చేకూరుస్తారో అతడే భగవంతుడికి అందరికన్నా ఎక్కువ ప్రీతిపాత్రుడు.'

నిత్య సహచరి

పుస్తకాలు మన నిత్య సహచరులు, ఒక మంచి పుస్తకం చదవడం, దాన్ని భద్రంగా దాచుకోవడం మన జీవితానికి ఒక శాశ్వత ఆవరణ సమకూర్చుకోవటం లాంటిది. మంచి పుస్తకం మనకొక నిత్య సహచరి. కొన్ని పుస్తకాలు మనకన్నా ముందు పుట్టి మన జీవితంలో మనకు దారిచూపుతూ, మన తదనంతరం కూడా అలా మార్గనిర్దేశం చేస్తూనే వుంటాయి.

అన్ని రకాలు పుస్తకాలు చదవటం నాకిష్టమే....మరీ ఇష్టమైన పుస్తకాలను మళ్ళీ మళ్ళీ చదువుతూ వుంటాను. ప్రతీసారీ ఏదో ఒక్క కొత్త విషయాన్ని నేర్చుకుంటూ, సంతోషపడుతూంటాను. ఇటీవలే చదివిన ''ఎవరికీ తలవంచకు'' (Indomitable Spirit by A.P.J. Abdul Kalam - తెలుగు అనువాదం : వాడ్రేవు చినవీరభద్రుడు)...అద్భుతమైన పుస్తకం....మళ్ళీ మళ్ళీ చదవాలనిపించేంత గొప్ప పుస్తకం....అన్నిటికన్నా మించి...ప్రతి ఒక్క విషయమూ ఆలోచింపచేస్తూ....మనసును కొన్ని విషయాల్లో ప్రక్షాళన చేస్తోంది...మీకు అందుబాటులో వుంటే తప్పకుండా ఒకసారి చదవండి. మార్పు మీకే తెలుస్తుంది!

మంచి పుస్తకాలు నా ఆప్తమిత్రులు

నేను క్రుంగిపోయినప్పుడు నాకు ధైర్యాన్ని నూరిపోస్తాయి

ప్రేమతో మనసుకు స్వాంతన  కలిగిస్తాయి...

అందుకే నా దగ్గరి వాళ్ళకు చెబుతుంటాను....పుస్తకాలతో స్నేహం చేయమని అవి మంచి మిత్రులవుతాయని''

(మీరిప్పుడు చదివినదంతా ఆ పుస్తకం సూర్తితో రాసిందే!)

మేల్కొన్న మహిళ

ఆమె సమున్నత శిరస్కురాలై

అభీతనేత్రాలతో

నిర్భయంగా సంచరిస్తుంది

ఆమెకు నిర్దిష్ట విశ్వాసాలుంటాయి

విశాల ఆదర్శాలుంటాయి

జ్ఞానం వల్ల సిద్ధించిన కించిత్‌ గర్వం కూడా వుంటుంది

సుశిక్షితురాలైన అటువంటి విదుషీమణి

తానెంచుకున్న మార్గాన్ని తప్పదెన్నటికీ

ఆమె అజ్ఞానాన్ని పారద్రోలుతుంది

సుజ్ఞాన మనస్కయై జీవితానందాన్ని స్వాగతిస్తుంది

మేల్కొన్న మహిళల ప్రవర్తన ఇలా వుంటుంది

మనదేశపు స్త్రీలందరికీ మహాకవి కన్న స్వప్నం నిజమయ్యే రోజు తప్పక వస్తుందనీ, త్వరలో రావాలని ఆకాంక్షిస్తూ...

క్షణమాగి ఆలోచిద్దాం!

''నిన్ను నలుగురూ దేనికోసం గుర్తు పెట్టుకోవాలని భావిస్తున్నావు? నువ్వు సమర్పించిన పిహెచ్‌.డి. సిద్ధాంత వ్యాసం కోసమా నీ ప్రయోగశీలభావనలకోసమా? నిన్నూ నీ జీవితాన్ని నువ్వే తీర్చిదిద్దుకోవాలి. దాన్ని నువ్వొక పుటపై లిఖించుకోవాలి. మానవచరిత్ర అనే గ్రంథంలో ఆ పుట బహుశా అతి ముఖ్యపుటగా మారవచ్చు. అది ఒక కొత్త విషయాన్ని కనుక్కోవడానికి సంబంధించిన పుట కావచ్చు. కొత్త పుంత తొక్కడం గురించి కావచ్చు. కొత్త అన్వేషణకు సంబంధించిన పుట కావచ్చు లేదా ఏదో ఒక అన్యాయాన్ని ఎదిరించడం గురించి కావచ్చు. కాని నీ జాతిచరిత్రలో అటువంటిదేదో ఒక పుటను రూపొందించినందుకు మాత్రమే నువ్వు శాశ్వత స్మరణీయుడవుతావు....

మీకిది ఉపయోగపడుతుందేమో!

నా మిత్రులు ఈ-మెయిల్‌ ద్వారా పంపించిన ఈ విలువైన సమాచారాన్ని మీతో పంచుకొంటున్నాను. కనీసం  ఒక్కరికైనా ఇది ఉపయోగపడితే, నా ఈ బ్లాగ్‌ పోస్ట్‌ సద్వినియోగమైనట్లే భావిస్తున్నాను.

Let it reach the 110 Crores Indians and the remaining if any.
Kindly, share this valuable information wherever possible.

1.  If you see children Begging anywhere in INDIA, please contact:
"RED SOCIETY" at 9940217816. They will help the children for their studies.

2. Where you can search for any BLOOD GROUP, you will get thousand's of donor address. www.friendstosupport.org

3. Engineering Students can register inwww.campuscouncil.com to attend Off Campus for 40 Companies.

4. Free Education and Free hostel for Handicapped/Physically Challenged children.
Contact:- 9842062501 & 9894067506.

5. If anyone met with fire accident or people born with problems in their ear, nose and mouth can get free PLASTIC SURGERY done by Kodaikanal  PASAM Hospital . From 23rd March to 4th April by German Doctors.
Everything is free. Contact : 045420-240668,245732
"Helping Hands are Better than Praying Lips"

6. If you find any important documents like Driving license, Ration card, Passport, Bank Pass Book, etc., missed by someone, simply put them into any nearby Post Boxes. They will automatically reach the owner and Fine will be collected from them.

7.  By the next 10 months, our earth will become 4 degrees hotter than what it is now. Our Himalayan glaciers are melting at rapid rate. So let all of us lend our hands to fight GLOBAL WARMING.
-Plant more Trees.
-Don't waste Water & Electricity.
-Don't use or burn Plastics

8.  It costs 38 Trillion dollars to create OXYGEN for 6 months for all Human beings on earth.
"TREES DO IT FOR FREE"
"Respect them and Save them"

9.  Special phone number for Eye bank and Eye donation: 04428281919 and 04428271616 (Sankara Nethralaya Eye Bank). For More information about how to donate eyes plz visit these sites.http://ruraleye.org/

10.  Heart Surgery free of cost for children (0-10 yr) Sri Valli Baba Institute Banglore. 10.
Contact : 9916737471

11. Medicine for Blood Cancer!!!!
'Imitinef Mercilet' is a medicine which cures blood cancer. Its available free of cost at "Adyar Cancer Institute in Chennai".

Create Awareness. It might help someone.
Cancer Institute  in Adyar, Chennai
Category:  Cancer
Address: East Canal Bank Road, Gandhi Nagar, Adyar, Chennai -600020
Landmark: Near Michael School
Phone:  044-24910754  044-24910754 ,  044-24911526  044-24911526 ,
044-22350241  044-22350241

12.  Please CHECK WASTAGE OF FOOD
If you have a function/party at your home in India and food gets wasted, don't hesitate to call 1098 (only in India ) - Its not a Joke, This is the number of Child helpline.
They will come and collect the food. Please circulate this message which can help feed many children.
AND LETS TRY TO HELP INDIA BE A BETTER PLACE TO LIVE IN
Please Save Our Mother Nature for
"OUR FUTURE GENERATIONS"

Let it reach the 110 Crores Indians and the remaining if any.

ప్రార్థన

భగవంతుడా ఇదే నా ప్రార్థన

నా హృదయ దౌర్భల్యాన్ని సమూలంగా ఛేదించు

నాకు బలాన్నివ్వు

నా సుఖదుఃఖాలను తేలిగ్గా తీసుకునే శక్తినివ్వు

నాతోటి మనుషుల సేవలో జీవితం ఫలప్రదం కానివ్వు

దీనులకు దూరంగా జరగనివ్వకు

ధూర్తుల ఎదుట మోకరిల్లనివ్వకు

దైనందిన సమస్యల నడుమ నేను తలెత్తుకుని తిరగనివ్వు

ప్రేమతో నీ సంకల్పం ముందు

నన్ను నేను సమర్పించుకోనివ్వు

- రవీంద్రనాథ్‌ టాగూర్‌ 'గీతాంజలి' నుంచి